வாரிசு - பர்ஸ்ட் லுக் - லைட்டா இருக்கா? வெயிட்டா இருக்கா?

வாரிசு! விஜய் நடிக்கும் அடுத்த படத்தின் டைட்டில். உங்களுக்குப் பிடிச்சிருக்கா?

இந்த டைட்டில் ஏற்கனவே சோஷியல் மீடியாவில் கசிந்துவிட்டது. அதனால் முந்தைய படங்களைப் போல பெருத்த எதிர்பார்ப்பு இல்லை. அதனால் கசிந்த அதே டைட்டில் வெளியாதால் சில தீவிர விஜய் இரசிகர்களுக்கு மெல்லிய ஏமாற்றம் தான்.

வழக்கம் போல விஜய் ஹேட்டர்ஸ் இது டிவி சீரியல் டைட்டில் போல இருக்கிறது என்று கிண்டலடித்துக் கொண்டிருக்கிறார்கள். அதற்கு தீனி போடுவது போல இந்த போஸ்டரில் கத்தி, துப்பாக்கிஎன ஆக்சன் படத்துக்கான சமாச்சாரங்கள் எதுவும் இல்லையே என்றும் சில இரசிகர்கள் குறைபட்டுக் கொள்கிறார்கள்.

இப்படி ஒரு கருத்து பரவும் என்பதை பட நிறுவனம் முன் கூட்டியே யூகம் செய்துவிட்டார்கள் என நினைக்கிறேன். அதனால் செகண்ட் லுக், தேர்ட் லுக் என அடுத்தடுத்து வெளியாகும் என்று டிவீட் செய்திருக்கிறார்கள். அதனால் தீவிர இரசிகர்களின் ஏமாற்றம் சற்று தணிந்திருக்கிறது.

ஆனால் வாரிசு என்ற டைட்டில் விஜய் இரசிகர்கள் பலருக்கு பிடித்திருக்கிறது.