#ப்ரியம் என்பது

‪#‎ப்ரியம்‬ என்பது

ரயில் நிலையத்தில் யாரையோ தேடும் பாவனையில்

நான் உன்னையே சுற்றிச் சுற்றி வருவதும்,

தோழிகளிடம் விடைபெறும் பாவனையில்

நீ என்னிடம் கையசைத்து விடைபெறுவதும்.

#ப்ரியம் என்பது

#ப்ரியம் என்பது
திரையரங்க இருளில் வரிசை எண் தேடும்போது
அனிச்சையாக நீ என் கரம் பற்றிக்கொள்வதும்
சலனப்படம் முடிந்து இருள் கலையும்வரை
பற்றிய உன் கரங்களை நான் விடாதிருப்பதும்.

#ப்ரியம் என்பது

#ப்ரியம் என்பது

அவள் தோளிலிருந்து அருவி போல் சரியும் துப்பட்டாவை

தயக்கத்துடன் நான் நேர் செய்வதும்.

உதடு கடித்தபடி ஈர மருதாணி விரல்களால் 

வெட்கத்துடன் அவள் என் கன்னம் கிள்ளுவதும்.

#ப்ரியம் என்பது

#ப்ரியம் என்பது

கடற்கரை மணலில் கிறுக்கிய உன்பெயரை

யாரும் பார்க்கும் முன் 

நான் கலைப்பதும்,

உள்ளங் கைகளில் கிறுக்கிய என் பெயரை

யாரும் பார்க்கும் முன் 

முத்தமிட்டு நீ பொத்தி வைப்பதும்.

#ப்ரியம் என்பது

‪#‎ப்ரியம்‬ என்பது

மழைதான் ஆனால் கவலையில்லை என்று

நான் ஃபோனில் சொல்லிக் கொண்டிருப்பதும்,

உன் துப்பட்டா குடைக்குள்

மழை நனைக்காமல்

என்னை நீ அணைத்திருப்பதும்.

#ப்ரியம் என்பது

#ப்ரியம் என்பது

மருதாணிக் கைகள் காட்டி

எப்படி இருக்கு என  

குழந்தையைப் போல நீ குதூகலிப்பதும்,

உன் உள்ளங்கைகளை தொட்டிலாக்கி

குழந்தைகளைப் போல

என் கன்னங்களை நான் படுக்க வைப்பதும்.

#‎ப்ரியம்‬ என்பது

#‎ப்ரியம்‬ என்பது

நான் இரசித்த பொட்டை

கண்ணாடி பார்த்து

நீ விதம் விதமாக 

இட்டுப் பார்ப்பதும்,

நீ இரசித்த சட்டையை

கண்ணாடி பார்த்து

நான் மீண்டும் மீண்டும் 

அணிந்து பார்ப்பதும்.

‪#‎ப்ரியம்‬ என்பது

‪#‎ப்ரியம்‬ என்பது
பிறந்தநாள் வாழ்த்துச் சொல்ல
முதலில் நான் வரவேண்டும் என
நீ காத்திருப்பதும்,

நண்பர்கள் விடைபெறட்டும் என
நம் தனிமைக்காக
நான் காத்திருப்பதும்.