#மல்லிகைக்கிழமை

 

#ப்ரியம் என்பது . . .

 

#மல்லிகைக்கிழமை

காற்றின் திசையை

மல்லிகைக்கு தந்துவிட்டு

நீ பார்க்கும் திசையெங்கும்

எனை வீசியடிக்கிறாய்.

#மல்லிகைக்கிழமை

‪#‎மல்லிகைக்கிழமை‬

மல்லிகையைப் போல்

சிரிக்கிறாள் அவள்!

அவளைப் போல

மணக்கிறது மல்லிகை!

‪#‎மல்லிகைக்கிழமை‬

‪#‎மல்லிகைக்கிழமை‬

மல்லிகையால் தன் முகம் செய்து 
கூந்தலில் அணிகிறாளோ! 
அவள் சூடியிருக்கும் மல்லிகை 
என்னை பார்க்கும்போதெல்லாம் 
அவளே என்னை பார்ப்பது போல் ஒரு மயக்கம்!
‪#‎மல்லிகைக்கிழமை‬

#மல்லிகைக்கிழமை

கண்ணாடி பார்த்து மல்லிகை சூடும்போது

அவள் தன்னைப் பார்ப்பது போல்

இரகசியமாய் என்னைப் பார்க்கிறாள் என்பது

பின்னால் நிற்கும் எனக்கும் தெரியும்

என்னை வரவழைத்த மல்லிகைக்கும் தெரியும்.

#மல்லிகைக்கிழமை

#மல்லிகைக்கிழமை

அவள் கழுத்துக் கதகதப்பில் 

ஈர மல்லிகைச் சரம் உலர்ந்து மலரும்போது

பூமிப் பந்தே மல்லிகைப் பந்தானது போல்

ஒரு மாய வாசம் எனைச் சூழ்ந்தணைக்கிறது!

‪#‎மல்லிகைக்கிழமை‬

#ப்ரியம் என்பது

‪#‎ப்ரியம்‬ என்பது

ரயில் நிலையத்தில் யாரையோ தேடும் பாவனையில்

நான் உன்னையே சுற்றிச் சுற்றி வருவதும்,

தோழிகளிடம் விடைபெறும் பாவனையில்

நீ என்னிடம் கையசைத்து விடைபெறுவதும்.

#மல்லிகைக்கிழமை

அவள் கூந்தலில் மயங்கிய 

பூக்கள் சரியாமலிருக்க

ஹேர் பின்களையும்,

அவள் கூந்தல் மயக்கிய 

நான் சரியாமலிருக்க

தன் கண்களையும் பிரயோகிக்கிறாள்.

#மல்லிகைக்கிழமை

#ப்ரியம் என்பது

#ப்ரியம் என்பது
திரையரங்க இருளில் வரிசை எண் தேடும்போது
அனிச்சையாக நீ என் கரம் பற்றிக்கொள்வதும்
சலனப்படம் முடிந்து இருள் கலையும்வரை
பற்றிய உன் கரங்களை நான் விடாதிருப்பதும்.

#ப்ரியம் என்பது

#ப்ரியம் என்பது

அவள் தோளிலிருந்து அருவி போல் சரியும் துப்பட்டாவை

தயக்கத்துடன் நான் நேர் செய்வதும்.

உதடு கடித்தபடி ஈர மருதாணி விரல்களால் 

வெட்கத்துடன் அவள் என் கன்னம் கிள்ளுவதும்.

#ப்ரியம் என்பது

#ப்ரியம் என்பது

கடற்கரை மணலில் கிறுக்கிய உன்பெயரை

யாரும் பார்க்கும் முன் 

நான் கலைப்பதும்,

உள்ளங் கைகளில் கிறுக்கிய என் பெயரை

யாரும் பார்க்கும் முன் 

முத்தமிட்டு நீ பொத்தி வைப்பதும்.

‪#‎மல்லிகைக்கிழமை‬

ஒரே சரத்திலிருந்து
மணப்பது எது மயக்குவது எது
என எப்படியோ தரம் பிரித்து,
மணக்கும் மல்லிகையை
சாமிக்கு கிள்ளிக்கொடுத்துவிட்டு
மயக்கும் மல்லிகையால்
என்னை அள்ளிச் செல்கிறாள் அவள்!
‪#‎மல்லிகைக்கிழமை‬

#ப்ரியம் என்பது

‪#‎ப்ரியம்‬ என்பது

மழைதான் ஆனால் கவலையில்லை என்று

நான் ஃபோனில் சொல்லிக் கொண்டிருப்பதும்,

உன் துப்பட்டா குடைக்குள்

மழை நனைக்காமல்

என்னை நீ அணைத்திருப்பதும்.

#முத்தகம்

அவளுடைய

வாயாடி என்ற பட்டத்தைக் 

களவாடினேன், 

பேசவேவிடாமல்

தொடர் இதழ் முத்தங்களால்!

#முத்தகம்

#ப்ரியம் என்பது

#ப்ரியம் என்பது

மருதாணிக் கைகள் காட்டி

எப்படி இருக்கு என  

குழந்தையைப் போல நீ குதூகலிப்பதும்,

உன் உள்ளங்கைகளை தொட்டிலாக்கி

குழந்தைகளைப் போல

என் கன்னங்களை நான் படுக்க வைப்பதும்.

#மல்லிகைக்கிழமை

நான் எத்தனை தொலைவில் இருந்தாலும்

என்னை கூந்தல் எல்லைக்குள் இழுத்து வருகின்றன  

அவள் சூடும் மல்லிகைச் சரங்கள்!

#மல்லிகைக்கிழமை

#‎ப்ரியம்‬ என்பது

#‎ப்ரியம்‬ என்பது

நான் இரசித்த பொட்டை

கண்ணாடி பார்த்து

நீ விதம் விதமாக 

இட்டுப் பார்ப்பதும்,

நீ இரசித்த சட்டையை

கண்ணாடி பார்த்து

நான் மீண்டும் மீண்டும் 

அணிந்து பார்ப்பதும்.

‪#‎ப்ரியம்‬ என்பது

‪#‎ப்ரியம்‬ என்பது
பிறந்தநாள் வாழ்த்துச் சொல்ல
முதலில் நான் வரவேண்டும் என
நீ காத்திருப்பதும்,

நண்பர்கள் விடைபெறட்டும் என
நம் தனிமைக்காக
நான் காத்திருப்பதும்.