#மல்லிகைக்கிழமை

காற்றின் திசையை

மல்லிகைக்கு தந்துவிட்டு

நீ பார்க்கும் திசையெங்கும்

எனை வீசியடிக்கிறாய்.

#மல்லிகைக்கிழமை

‪#‎மல்லிகைக்கிழமை‬

மல்லிகையைப் போல்

சிரிக்கிறாள் அவள்!

அவளைப் போல

மணக்கிறது மல்லிகை!

‪#‎மல்லிகைக்கிழமை‬

‪#‎மல்லிகைக்கிழமை‬

மல்லிகையால் தன் முகம் செய்து 
கூந்தலில் அணிகிறாளோ! 
அவள் சூடியிருக்கும் மல்லிகை 
என்னை பார்க்கும்போதெல்லாம் 
அவளே என்னை பார்ப்பது போல் ஒரு மயக்கம்!
‪#‎மல்லிகைக்கிழமை‬

#மல்லிகைக்கிழமை

கண்ணாடி பார்த்து மல்லிகை சூடும்போது

அவள் தன்னைப் பார்ப்பது போல்

இரகசியமாய் என்னைப் பார்க்கிறாள் என்பது

பின்னால் நிற்கும் எனக்கும் தெரியும்

என்னை வரவழைத்த மல்லிகைக்கும் தெரியும்.

#மல்லிகைக்கிழமை

#மல்லிகைக்கிழமை

அவள் கழுத்துக் கதகதப்பில் 

ஈர மல்லிகைச் சரம் உலர்ந்து மலரும்போது

பூமிப் பந்தே மல்லிகைப் பந்தானது போல்

ஒரு மாய வாசம் எனைச் சூழ்ந்தணைக்கிறது!

‪#‎மல்லிகைக்கிழமை‬

#மல்லிகைக்கிழமை

அவள் கூந்தலில் மயங்கிய 

பூக்கள் சரியாமலிருக்க

ஹேர் பின்களையும்,

அவள் கூந்தல் மயக்கிய 

நான் சரியாமலிருக்க

தன் கண்களையும் பிரயோகிக்கிறாள்.

#மல்லிகைக்கிழமை

‪#‎மல்லிகைக்கிழமை‬

ஒரே சரத்திலிருந்து
மணப்பது எது மயக்குவது எது
என எப்படியோ தரம் பிரித்து,
மணக்கும் மல்லிகையை
சாமிக்கு கிள்ளிக்கொடுத்துவிட்டு
மயக்கும் மல்லிகையால்
என்னை அள்ளிச் செல்கிறாள் அவள்!
‪#‎மல்லிகைக்கிழமை‬

#மல்லிகைக்கிழமை

நான் எத்தனை தொலைவில் இருந்தாலும்

என்னை கூந்தல் எல்லைக்குள் இழுத்து வருகின்றன  

அவள் சூடும் மல்லிகைச் சரங்கள்!

#மல்லிகைக்கிழமை