Selva Speaking

Thursday, August 20, 2015

அவள் தோளிலிருந்து அருவி போல் சரியும் துப்பட்டாவை

தயக்கத்துடன் நான் நேர் செய்வதும்.

உதடு கடித்தபடி ஈர மருதாணி விரல்களால்

வெட்கத்துடன் அவள் என் கன்னம் கிள்ளுவதும்.

கடற்கரை மணலில் கிறுக்கிய உன்பெயரை

யாரும் பார்க்கும் முன்

நான் கலைப்பதும்,

உள்ளங் கைகளில் கிறுக்கிய என் பெயரை

யாரும் பார்க்கும் முன்

முத்தமிட்டு நீ பொத்தி வைப்பதும்.

அம்மாவுக்கு அடங்காமல்

அப்பாவுக்கு பிடிகொடுக்காமல்

அக்காவுக்கு முகம்கொடுக்காமல்

கோபத்துடன் அறைக் கதவை

அடைக்கும்போது,

ஆதரவுடன் உள்ளே வந்து

சினத்துடன் திட்டித் தீர்த்து

சாந்தமுடன் கோபம் தணித்து

அண்ணனை தன் தம்பியைப் போல்

ஆராதிப்பாள் தங்கை!