#முத்தகம்

அவளுடைய

வாயாடி என்ற பட்டத்தைக் 

களவாடினேன், 

பேசவேவிடாமல்

தொடர் இதழ் முத்தங்களால்!

#முத்தகம்

எப்படியோ முத்தம்!

மை போதுமா என வினவியவளின்

கண்களைத்தான் நெருங்கினேன்.

எங்கள் இதழ்கள் எப்படி ஒட்டிக் கொண்டன 

எனத் தெரியவில்லை.

கோவில் பிரகார முத்தம்

கொலுசுக்கால்களில் பட்டுப்பாவாடை உரச

பூக் கோலமிடும் வளையல் கரங்கள் சிணுங்க

அவள் இதழ்களில் என் இதழ்கள் பதிந்ததும்,

கோவில் பிரகாரத்தில் இச் என்ற ஒலி

இசையாய் எதிரொலிக்கும்.

பச்சக் முத்தம்

என் அழகு அம்மா தந்தது,

அணிகலன்கள் அப்பா தந்தது என்றாள்.

பச்சக் என்று இதழோடு இதழ் பதித்து

இது மட்டும் நான் தந்ததாக இருக்கட்டும் என்றேன்.

சாக்லேட் கடத்தல் முத்தம்!

‘என் சாக்லேட் எங்கே?‘ என்றான்,

அவளின் கடைக்குட்டி தம்பி வந்து கொண்டே.

‘காக்கா தூக்கிட்டுப் போயிடுச்சு‘ என்றேன்,

அவள் இதழ்களில் ஊறிக் கொண்டிருந்த சாக்லேட்டை

என் இதழ்களுக்கு கடத்திக் கொண்டே!

சுடிதார் டிசைன் முத்தம்

பூ போட்ட சுடிதார் கேட்டாள்!

என் இதழ்களால் அவள் அதரங்களின்

உதட்டுச் சாயம் எடுத்து

அவள் அணிந்திருந்த சுடிதாரில் 

இதழ் பூக்கள் பதித்தேன்.

செல்ஃபோனாக மாறிய முத்தம்

முத்தம் கலந்த பேச்சுக்களால்

ஃபோனில் லிப்ஸ்டிக் கறை படிவது தவிர்க்க,

என் இதழ்களையே 

அவளின் செல்ஃபோனாக்கினேன்.

ஓடி விளையாடும் முத்தம்

ஓடிக் களிக்கும் பொழுதுகளில்

அவள் கன்னத்திலும், தோள்களிலும், கூந்தலிலும்

உடையின் மடிப்புகளிலும்

தடுக்கிவிழும் முத்தங்களுக்கு,

அவள் இதழ்களால் ஒத்தடம் பெறப் பிடிக்கும்.

சுமை தாங்கி முத்தம்

ஊறிக் கிடக்கும் முத்தங்களின் எடை
அவள் அதரங்களுக்கு சுமை என்பதால்,
என் இதழ்களுக்கு இடம் மாற்றிக் கொண்டிருக்கிறேன்.

துணை முத்தம்

அவள் இதழ்களில் எனக்காக தனிமையில்
காத்திருக்கும் முத்தத்திற்கு துணையாக
என் முத்தங்களை விளையாட அனுப்பிக் கொண்டிருக்கிறேன்.

ஹோம்ஒர்க் முத்தம்

வீட்டுப்பாடம் 

எழுதி எழுதி கைவலிக்கிறது

எனக்காக எழுதுவாயா

எனக் கொஞ்சினாள்.

எழுதினேன் விடிய..விடிய..

அவள் இதழ்களில்

என் இதழ்களால்!

மருத்துவ முத்தம்

மருத்துவம் படிக்கிறாள் என்பதால்தைரியமாக அவள் இதழ்களில் என் இதழ்களால் காயம் செய்தேன்! 

இதழ் அகல் முத்தம்

தீபங்களின் ஒளியில்

அவள் பார்வைகள் சொன்னதை

அவள் இதழ் அகல் விளக்கில்

முத்தங்களாக ஒளிர வைத்தேன்!

இதழ் அகல் முத்தம்

தீபங்களின் ஒளியில்

அவள் பார்வைகள் சொன்னதை

அவள் இதழ் அகல் விளக்கில்

முத்தங்களாக ஒளிர வைத்தேன்!

கண் பொத்தி முத்தம்

தனியாக அலைபாயும் கூந்தலுக்கு
அவள் கண்கள் பொத்தி விளையாடுவது எப்படி என்று . . .
இதழ்களால் இதழ்கள் பொத்தி சொல்லித் தருவேன்! 

சிட்டுக் குருவி முத்தம்

அவள் பறவைகளை 

இரசித்துக் கொண்டிருக்கும்போது,

சிட்டுக் குருவியாய் 

அவள் இதழ்களில்

என் இதழ்கள் அமர்ந்து கொள்ளும்! 

இதழ் குளம் முத்தம்

தாமரைக் குளத்தில் 

கொலுசுப் பாதம் நனைந்ததும்

அவள் இதழ் குளத்தில் 

என் இதழ் நனைப்பேன்.

நகக் கடி முத்தம்

அவள் நகம் கடிப்பதைக் குறைக்க

அவள் இதழ் குமிழுக்குள்

என் இதழ்களை அமிழ்த்திக் கொண்டேன்!

ஒரு முழம் முத்தம்

ஒரு முழம் பூ கேட்டாள்!

அவள் இதழ்களில் இருந்து

ஒரு சதம் ரோஜாக்கள் 

பறித்துத் தந்தேன்!

நோ சாட்டிங் முத்தம்

மடிக் கணிணியுடன் இருந்தவளை

மடியில் கிடத்தி,

இதழோடு இதழ் இறுக்கி,

சாட்டிங் செய்வது கால விரயம்

எனப் புரிய வைத்தேன்!