சார் வணக்கம்! நல்லா இருக்கீங்களா?
நேற்று இனிய ஆச்சரியமாக சித்ரா லட்சுமணன் அழைத்தார். நான் வணக்கம் சொல்வதற்கு முன், மளமளவென்று அவருடைய பாணியில் நலம் விசாரித்தார்.
அப்பாவின் திரைப் பெயர் ஐ.எஸ்.ஆர், முழுப்பெயர் ஐ.எஸ்.ராமச்சந்திரன்தானே என்றார்.
ஆமாம் சார், என்ன விஷயம் என்றேன்.
இரண்டு ஆச்சரியங்கள். இன்னமும் யாரோ ஒருவர் எங்கள் தந்தையை நினைவு வைத்திருக்கிறார். அதைவிட ஆச்சரியம், கூகுள், விக்கிபீடியாவைத் தேடி பதில் தராமல், மெனக்கெட்டு குடும்பத்தாரை அழைத்து உறுதி செய்து கொண்ட திரு. சித்ரா லட்சுமணன்.
”எப்படியெல்லாம் கேள்விகள் வருது பாருங்க”, என்றார்.
”சார் அந்தக் கேள்விகள் உங்களிடம் வருவதற்கு காரணமே, நீங்கள் எப்படியும் (உறுதி செய்யப்பட்ட) பதில் தந்து விடுவீர்கள் என்று நாங்கள் எல்லோருமே நம்புகிறோம்”, என்றேன்.
ஆபிஸ் வாங்க, என்று அழைப்பு விடுத்திருக்கிறார்.
விரைவில் சந்திப்பேன். அவரிடம் கேட்பதற்கு ஏதாவது கேள்விகள் இருந்தால் என்னிடம் சொல்லுங்கள். நான் பதில்கள் வாங்கி வருகிறேன்.
