நாமும் பங்கேற்கிற Interactive வீடியோக்கள்

வாட்ஸ்அப்பிலோ, டெலிகிராமிலோ யாருடனோ கொஞ்சிக் கொண்டிருக்கும்போது நாம் வெறும் திரையைப் பார்ப்பதில்லை. கொஞ்சல் முகத்தின் சொந்தக்காரரை மனதுக்குள்ளே திரையிட்டுக் கொண்டிருக்கிறோம். அதில் கொஞ்சித்திரிந்த பீச், மால்கள், மறைவுப்பிரதேசங்கள், இசிஆர் பைக் ரைடுகள் என எல்லாம் வந்து போகும். இந்த அனுபவங்களை அப்படியே 3Dயாக்கினால் எப்படி இருக்கும்? நன்றாகத்தான் இருக்கும். இதற்கான நுட்பங்கள் நம்மிடம் ஏற்கனவே உள்ளது. இப்போது எக்ஸ்ட்ரா லார்ஜாக ஒரு கற்பனை. அந்த 3D பிம்பங்களுக்குள் நான் அவ்வப்போது உள்ளே சென்று வரமுடியுமா? நிஜத்தில் சாத்தியமில்லை. ஆனால் உள்ளே நுழைந்து வெளிவரும் நிஜ நம்மையும் 3D பொம்மை(Virtual Reality)யையும் கலக்கிற நுட்பம் ஏற்கனவே கலக்கிக் கொண்டிருக்கிறது. Augmented Reality என்று பெயர். சுருக்கமாக AR.

இந்த நுட்பத்தை கொஞ்சம் மாற்றி 3Dக்கு பதில் உண்மையான பிம்பங்கள். மண்ணில், விண்ணில், கடலில் என பிடித்த இடங்களையெல்லாம் ஒரு சிலிக்கன் சில்லில் பதித்துவிட்டு அதை ஒரு ஹெட் செட்டுக்குள் பதித்து நம் தலையில் மாட்டிவிட்டால் என்ன ஆகும்? ஒரு மாயாபஜார் நம் கண்முன்னே உருவாகும். அந்த பிம்பங்களுக்குள் நாமும் நடப்போம், ஓடுவோம், தொடுவோம், படுவோம், சுடுவோ இன்னும் என்னென்னவோ செய்வோம்.

இந்த மாய 3D ஹெட்செட்டுகளை  ஃபேஸ்புக்கும் (Oculus rift), சோனியும்(Morpheous) ஏற்கனவே தயாரித்துவிட்டன. தற்போது HTC போட்டியாக தனது ஹெட்செட்டுடன்(Vive) களத்தில் குதித்துள்ளது.

எதிர்காலத்தில் AR + VR சேர்ந்த நாமும் பங்கேற்கிற Interactive சினிமாக்கள் வந்துவிடும். தயாராக இருங்க.

விண்டோ ஷாப்பிங் போல விண்டோ ரீடிங்!

விண்டோ ஷாப்பிங் போல விண்டோ ரீடிங் பழக்கம் எனக்கிருந்தது. முன் அட்டை, பின் அட்டை, சில பக்கங்களை புரட்டல், விலை பார்த்தல் என புத்தகங்களை கடப்பேன். கடந்த வருடத்திலிருந்து சிறு மாற்றம். மாற்றகர்த்தா முரளி.Muralikrishnan Chinnadurai தொணதொணவென்று புத்தகங்கள் பற்றிப் பேசி, எழுத்தாளர்களுடன் கைகுலுக்க வைத்து, இலக்கிய விழாக்களில் டீ கொடுத்து உட்கார வைத்து, புத்தக சந்தையில் சுண்டல் கொறிக்க வைத்து புத்தகங்களும் வாங்க வைத்துவிட்டான்.

புத்தகத்தையும், எழுத்தாளர்களின் கையொப்பத்தையும் ஒருசேரவாங்கி காலை நடைக்குப்பின் பின் புரட்டுவது நன்றாகத்தான் இருக்கிறது. மாதம் ஒரு புத்தகம் வாசித்தல் என்ற எனது புத்தாண்டு சுயசவால் நிறைவேறிடும் போலிருக்கிறது. இந்த மாதம் மட்டுமே இரண்டு புத்தகங்களை வாசித்துவிட்டேன்.

கவிஞர். சித்தலிங்கய்யா (கன்னடத்திலிருந்து தமிழாக்கம் செய்யப்பட்ட 40 கவிதைகள்) மலர்விழி - மதுமிதா Madhumitha Raja

லண்டாய் - (ஆஃப்கான் பெண்களின் வாய்மொழிப் பாடல்களும் கவிதைகளும்) தங்கை விஜயலட்சுமி Vijaya Lakshmi

வாசித்தேன் என்பதைச் சொல்வது எளிது. என்ன புரிந்து கொண்டேன் என்பதை எழுத மீண்டும் மீண்டும் வாசிக்கவேண்டியிருக்கிறது. ஆகவே விரைவில் சினிமா விமர்சனம் போல நான் புத்தக விமர்சனமும் செய்வேன் என்ற எச்சரிக்கையுடன் ...

சியர்ஸ் மக்காஸ்!

சாக்லெட்டாழ்வார்!

எதிலும் ஆழமாக ஈடுபடுபவர்களை ஆழ்வார்கள் என்றார்களாம். ஆனால் அந்தக் காலத்தில் எங்கும் எதிலும் பக்தியைத்தான் நிரப்பியிருக்கிறார்கள். காதலைக்கூட பக்தியாக்கி வழிந்து அழுது தொழுதிருக்கிறார்கள்.

பொய்கை ஆழ்வார், பூதத்தாழ்வார், பேயாழ்வார், திருமழிமிசை ஆழ்வார், திருமங்கை ஆழ்வார், தொண்டரடிப்பொடி ஆழ்வார், திருப்பாண் ஆழ்வார், குலசேகர ஆழ்வார், பெரியாழ்வார், நம்மாழ்வார்
இந்தப் பத்து ஆழ்வார்களும் பெருமாலை டிசைன் டிசைனாக வியந்திருக்கிறார்கள். நீதான் ஆழி, ஊழி, காடு, மடு, மலை, அலை, காலம் என சில்லறையாகவும் இவை எல்லாமே நீதான் என மொத்தமாகவும் வணங்குகிறார்கள். பிறகு நீ எனக்குள் வா அல்லது நான் உனக்குள் வருகிறேன் நாமனைவரும் ஒற்றையே என Singularity தியரி வடிக்கிறார்கள்.

யோசித்துப் பார்த்தால் நீங்களும், நானும் நாமும் கூட ஆழ்வார்கள்தான். எப்போதும் இதிலேயே மூழ்கியிருப்பாதால் ஃபேஸ்புக்காழ்வார்கள். எனக்கு மட்டும் இன்னொரு பெயர். அடிக்கடி சாக்லெட்டில் ஆழ்வதால்,
சாக்லெட்டாழ்வார்!

(சுஜாதா எழுதியுள்ள ”ஆழ்வார்கள் ஓர் எளிய அறிமுகம்” புத்தகத்தை நான் படிக்க ஆரம்பிச்சிட்டேன்னு சொன்னா இப்ப நீங்க கண்டிப்பா நம்புவீங்க)

ஃபேஸ்புக்கில் புதிதாக Save வசதி

அப்புறம் பார்த்துக்கலாம் என்று தவற விட்ட ஃபேஸ்புக் ஸ்டேட்டஸ்கள் பல. இனி அந்தக் கவலை இல்லை. Save என்றாரு புது பட்டனை ஃபேஸ்புக் அறிமுகப்படுத்தியிருக்கிறது. பிஸியாக இருக்கும்போது Save ஆப்ஷனை தேர்வுசெய்து சேமித்துக்கொண்டு, ரிலாக்ஸாக இரவில் படுத்துக்கொண்டு அவற்றை புரட்டிப் பார்க்கலாம். நண்பர்களின் ஸ்டேட்டஸ்கள் மட்டுமல்ல அவர்கள் குவித்து வைத்த புகைப்படங்கள், வீடியோ என எல்லாவற்றையும் Save செய்துகொள்ளலாம். கிட்டத்தட்ட Book mark.

அளவுக்கு அதிகமாக Save செய்வதிலும் ஒரு இம்சை இருக்கிறது. எக்கச்சக்கமாக குவிந்து போய் நமக்குத் தேவையானதை மட்டும் எடுக்க சிரமம் ஆகிவிடும். எக்கச்சக்கமாக Book mark செய்து வைப்பவர்கள் இதுபோல விழி பிதுங்குவதை கவனித்திருக்கிறேன். இந்த பிதுங்கல்களை குறைக்க அவற்றை Sort or Index செய்து தனித்தனி தொகுப்புகளாக பார்த்துக்கொள்ளும் வசதியும் உள்ளது.


ஆனால் இந்த புது Save வசதி தற்போது iOS ஃபோன்களுக்கு மட்டுமே கிடைக்கிறது. ஆன்ட்ராயிடுக்கும், பிசிக்களுக்கும் வருவதற்கு இன்னும் சில வாரங்களாகும். இந்த Save ஆப்ஷனுக்கு லைக்கா டிஸ்லைக்கா என்பது பயன்படுத்தியபின்தான் தெரியும்.

வீட்டிலிருந்தபடியே ரஜினியுடன் போட்டோ எடுத்துக்கொள்ளும் விளம்பர டெக்னிக்

ஒருவழியாக கோச்சடையான் டீம் நவீன விளம்பர டெக்னிக்கை கண்டுபிடித்துவிட்டது. இனி படம் வெளியாவதில் உள்ள தயக்கம் குறையும் என்று நினைக்கிறேன்.

INGAGE என்ற நவீன 4D டெக்னிக்கை கார்போன் ஃபோன் நிறுவனத்துடன் கோச்சடையான் அறிமுகப்படுத்துகிறது. INGAGE என்பது 3D அனிமேஷன்களையும், (ரியலாக)நம்மையும் இணைக்கும் நவீன 4D. 

அனிமேஷனில் தோன்றும் 3D கோச்சடையான் ரஜினியும், நாமும் ஒன்றாக நின்று இன்ஸ்டன்ட் 4D போட்டோ எடுத்துக் கொள்ளும் விளம்பர டெக்னிக். ரஜினியைப் போலவே சூப்பர்.

ரஜினியை 3Dயில் தோன்றச் செய்வது எப்படி?

• INGAGE என்ற Appஐ கூகுள் ஸ்டோரில் இருந்து Download - Install and Run
• பிறகு இடப்பக்கத்தில் உள்ள விளம்பரத்தை உங்கள் ஃபோனால் ஸ்கேன் பண்ணுங்கள்
• ரஜனி 3Dயில் உங்கள் ஃபோனில் தோன்றுவார். அவர் கூட நீங்களும் நின்று கொள்ளலாம்.
• அதனை அப்படியே ஒரு ஃபோட்டோவாக நீங்கள் க்ளிக்கிக்கொள்ளலாம்.
• இந்தப்படத்தை பிரிண்ட் செய்தும் ஸ்கேன் செய்யலாம். 

கீழே உள்ளவை என் டெஸ்க்டாப்பிலும், பேப்பரிலும் ஸ்கேன் செய்து நான் க்ளிக்கிய சில ஃபோட்டோக்கள். 

இந்த டெக்னிக்கை பயன்படுத்தி இந்தியா முழுவதும் பேனர் வைக்கப்

போகிறார்களாம். அதன் முன் நின்று நீங்கள் ஸ்கேன் செய்தால் உங்கள் உயரத்திற்கு ரஜினி தோன்றுவார், நடனமாடுவார், பேசுவார். நீங்களும் உடன் நின்று ஃபோட்டோ எடுத்துக் கொள்ளலாம்.