Saturday, July 6, 2013

விஜய்க்கு உள்ள வாய்ப்பு கூட வைகோவுக்கு இல்லை!

ஆதரவுக் கரம் நீட்டுவீர்; நிதி அள்ளித் தருவீர்!

தனது கட்சிக்கு நிதி கேட்டு ஆனந்த விகடனில் முழுப்பக்க விளம்பரம் கொடுத்திருக்கிறார் வை.கோ.

நிதி அளித்தவருக்கு, தனது கையொப்பமிட்ட ரசீதை அனுப்பி வைப்பதாகவும் குறிப்பிட்டிருக்கிறார்.

என்னவோ தெரியவில்லை அந்த விளம்பரத்தை பார்க்கையில் வை.கோவின் மேல் ஒரு பச்சாதாபம் ஏற்பட்டது. எப்பேர்பட்ட திறமைசாலி! கச்சிதமாக செயல்பட்டிருந்தால் தமிழக அரசியலே மாறியிருக்கும்.

கருணாநிதியை விட்டு விலகியபோது தலைநிமிர்ந்த வை.கோ, ஜெயலலிதாவிடம் மண்டியிட்டதும் அவருக்கான சுய அடையாளங்களை இழந்தார்.

கட்சிக்காக மக்களிடம் கையேந்தும் இந்த விளம்பரம் கூட பரவாயில்லை. . . ஆனால் கிடைப்பதை வாங்கிக் கொண்டு மீண்டும் ஏதோ ஒரு கழகத் தலைவர் (அ) தலைவிக்காக மேடையில் முழங்கும் படம் வரும் பாருங்கள்.. அதுதான் சகிக்காது.

விஜயகாந்த்தை விடுங்கள். இன்னும் அரசியலில் இறங்காத விஜய் கூட தான் முதலமைச்சர் ஆகிவிட முடியும் என்று அவர் இரசிகர்களை நம்ப வைக்கிறார். ஆனால் வை.கோவுக்கும் அவருடைய கட்சியினருக்கும் இது போல எந்த நம்பிக்கையும் இல்லை என்பதுதான் காலக் கொடுமை.

மிஸ்டர் வை.கோ! வரப்போகும் நாட்களில் ஒரே ஒரு முறையாவது உங்களின் பலத்தை நீங்களே உணர்வீர்களா?

தொலைபேசி : 044-28516565 (அ) mdmkdonationquery@gmail.com இவற்றில் ஏதாவது ஒன்றை தொடர்பு கொண்டு மதிமுகவிற்கு நிதி அளிக்கலாம். (இதை அறிவிப்பது மட்டுமே நம்மால் இயன்றது)


Post a Comment