நடிகர் சங்கத் தேர்தல் அறிக்கை (ஒரு கற்பனை)

அரசியலாகிவிட்ட நடிகர் சங்கத் தேர்தல் அறிக்கைகள் இனி இப்படி வரக்கூடும்.

ஒவ்வொரு நடிகருக்கும் மாதம் 10 வகையான இலவச நடிப்பு.

படம் சொதப்பினாலும் சக்ஸஸ் பார்ட்டி கொண்டாட மானிய விலை ஹால்.

புதிதாக ஒரு பிரிவை உண்டாக்கி வாரம் ஒரு நடிகருக்கு விஜய் டிவி விருது

அரசாங்கத்தை குறை கூறும் பஞ்ச் டயலாக்குகளை கண்டுபிடித்து பீப் சவுண்டு சேர்க்க முதுகெலும்பில்லா கண்காணிப்புக் குழு.

குதறி எடுக்கும் ஆன்லைன் தாக்குதலில் இருந்து தப்பிக்க விலையில்லா முகக்கவசம்.

#மல்லிகைக்கிழமை

கண்ணாடி பார்த்து மல்லிகை சூடும்போது

அவள் தன்னைப் பார்ப்பது போல்

இரகசியமாய் என்னைப் பார்க்கிறாள் என்பது

பின்னால் நிற்கும் எனக்கும் தெரியும்

என்னை வரவழைத்த மல்லிகைக்கும் தெரியும்.

#மல்லிகைக்கிழமை