பொன்வண்டு, குசும்பன், கிரி மற்றும் பலருக்கு . . .

'கம்ப்யூட்டர்ல டவுட்டா?' அண்ணனைக் கேளு, என்று 15 வருடங்களாக என்னை நண்பர்கள் கேட்டுக் கொண்டே இருக்கிறார்கள். நானும் MS DOS காலத்திலேருந்து எடுத்து விட்டுக் கொண்டே இருக்கிறேன். நான் ஒரு இன்ஸ்டன்ட் காபி பார்ட்டி. 'ஒக்கார்ந்து யோசிக்கிறது' எனக்கு கொஞ்சம் அலர்ஜி. இன்டர்நெட்டில் கிடைக்கிற Open Source மற்றும் Free Scripts இலவசங்களை வைத்து காலத்தை ஓட்டிக் கொண்டிருக்கிறேன்.

//மங்களூர் சிவா said...
குசும்பா இது என் வலைப்பூ இல்லை. டெம்ப்ளேட் மட்டும் என்னுடையதை இவருக்கு குடுத்திருக்கேன்.//

என்னய்யா ஏதோ சைக்கிளை வாடகைக்கு கொடுத்து இருக்கிறேன் என்பது போல் சொல்ற!!! எனக்கு என்னமோ மறு அவதாரம் போல் இருக்கு:)))

இதைப் படித்துவிட்டு அடிக்கடி புன்னகைத்துக் கொண்டே இருக்கிறேன். இப்போதும் ஒரு புன்னகைக்கு இடையில்தான் இதை எழுதுகிறேன்.

இங்கு நான் ஒரு புது வரவு. பிளாகரில் என்னுடைய டெம்ப்ளட்டை எப்படி மாற்றுவது என்று தடுமாறிக்கொண்டிருந்த நேரத்தில் 'மங்களூர் சிவா' உதவிக்கு வந்தார். வேண்டுமானால் என்னுடைய டெம்பளட்டை upload செய்து கொள்ளுங்கள் என்றார். உடனே என்னுடைய இன்ஸ்டன்ட் புத்தி அதற்கு உடன்பட்டுவிட்டது. அவசரத்தில் அவருடைய போட்டோவை மாற்றத் தோன்றவில்லை.

அதற்குள் கமெண்டுகள், பதில் கமெண்டுகள் எல்லாவற்றிலும் 'மங்களூர் சிவாதான் r.selvakumar'ஆ என்று விசாரிப்புகள் துவங்கிவிட்டது. ஆனாலும் எல்லாம் நன்மைக்கே. இன்று மங்களூர் சிவாவை நான் என்னுடைய நண்பர் என்று சொல்லிக்க முடியும்.

விரைவில் இன்னும் சில நண்பர்கள் கிடைப்பார்கள் என்று நம்புகிறேன்.

ஆமாம், மங்களூர் சிவாவில் இருக்கிற 'ளூ' கீ போர்டில் எங்கே இருக்கிறது? நான் கட்-அண்டு பேஸ்ட் செய்து 'ளூ' வை சமாளித்துக் கொண்டிருக்கிறேன்.
நான் ஒரு 'இன்ஸ்டன்ட் பார்ட்டி' என்பதற்கு இதுவும் ஒரு உதாரணம்.

வித்தியாசமான லே அவுட் செய்வது எப்படி? உதவி ப்ளீஸ்

நான் பிளாக்ஸ்பாட் வலைப்பூவுக்கு புதுசு.
பலபேருடைய வலைப்பூ விதவிதமா ரொம்ப ஸ்டைலா, அழகான லே அவுட்டோட இருக்கு.
என்னுடைய வலைப்பூவையும் சிங்காரப் பூவாக மாற்ற ஆசையாக இருக்கிறது.
டுடோரியல் மாதிரி ஏதாவது உதவிப் பக்கங்கள் உள்ளதா?

யாராவது எனக்கு உதவுங்களேன்.