தினம் ஒரு ஏ.ஐ - 16 : இசையமைக்கலாம் வாங்க!

பெயருக்காகவே கூகுளின் ஏ.ஐ டெஸ்ட் கிச்சன் எனக்கு மிகவும் பிடிக்கும்.இந்த கூகுள் கிச்சனில் MusicFx, VideoFx, ImageFx, TextFx இந்த நான்குவகை ஏ.ஐகள் உள்ளன. அமெரிக்கர்கள் மட்டும் ருசித்துக் கொண்டிருந்த இந்த ஏ.ஐ கிச்சனை தற்போது இந்தியாவிலும் பயன்படுத்த முடியும்.

நான் அடிக்க MusicFx பயன்படுத்தி இசையை உருவாக்கிக் கொள்கிறேன்.

நீங்களும் கூகுள் கிச்சனுக்குள் நுழையுங்கள். பாட்டு, வீடியோ, படங்கள், கதைகள் என அமர்க்களம் செய்யுங்கள்.

- ISR Selvakumar

https://aitestkitchen.withgoogle.com/tools/music-fx

தினம் ஒரு ஏ.ஐ - 15 : இலவசமாக ஒரு புராஜக்ட் மேனேஜர்

தலைக்குமேல வேலை எனப் புலம்புவோம். ஆனால் உதவிக்கு ஆள் கொடுத்தாலும் வேலை முடியாது. எது உடனே? எது அப்புறம் என்ற தெளிவு இல்லாததுதான் அதற்குக் காரணம். ஒரு நல்ல புராஜக்ட் மேனேஜர் இருந்தால் வழிகாட்டுவார். வேலைகளை பிரித்துக் கொடுப்பார். இலக்குகள் நிர்ணயிப்பார். அதை நோக்கி சரியாக நகர்கிறோமா என்று கவனித்துக் கொண்டே இருப்பார்.

இதற்குத்தான் tulsk io உதவுகிறது. வீட்டில் கல்யாணம், காது குத்தாக இருந்தாலும், அலுவலகத்தில் மாதாந்திர டார்கெட்டாக இருந்தாலும் சரி, tulsk io திறமையான புராஜக்ட் மானேஜராக செயல்பட்டு நம்மை பிசகில்லாமல் வேலை நடக்க உதவும்.

Note : Link in the first comment

- ISR Selvakumar

தினம் ஒரு ஏ.ஐ - 14 : பாடங்களை வினாடி வினா விடையாக மாற்றும் ஏ.ஐ

 

எட்டாம் வகுப்பு டீச்சர் நாற்பது மாணவர்களை நான்கு குழுக்களாகப் பிரித்தார். எனது குழுவில் ஹேமமாலினி என்ற பெயர் கொண்ட மாணவியுடன் நான் செட்டு சேர்ந்தேன். கூச்சமாகவும், பரவசமாகவும் அவளையே பார்த்துக் கொண்டிருந்தேன். டீச்சர் சொன்னது கொஞ்சமாகத்தான் காதில் விழுந்தது. ஒவ்வொரு குழுவும் கேள்வி-பதில்கள் தயாரிக்க வேண்டும். பிறகு சுழற்சி முறையில் மற்ற குழுக்களிடம் அந்தக் கேள்விகளை கேட்க வேண்டும். பதில் வந்தால் அவர்களுக்கு ஒரு மதிப்பெண். சொதப்பினால் நமது குழுவுக்கு ஒரு மதிப்பெண்.

இப்படித்தான் பூகோளம் சொல்லித்தந்தார் எட்டாப்பு டீச்சர். நாங்களே கேள்வியும் பதிலும் தயாரித்ததால், அருகிலிருந்த ஹேமமாலினி என்னை மயக்கினாலும் பாடம் மறக்கவில்லை.

எங்க எட்டாப்பு டீச்சர் பாணியில் கேள்வி பதில்களை தயாரித்து, நமக்கு நாமே டெஸ்ட் வைத்துக் கொள்ள ஏ.ஐகள் வந்துவிட்டன. இதனால் பாடங்களை எளிதாக மனதில் பதிய வைத்துக் கொள்ளலாம்.

https://quizlet.com/en-gb (30 நாட்கள் மட்டும் இலவசம்)

- ISR Selvakumar

தினம் ஒரு ஏ.ஐ - 13 : 1000 வாடிக்கையாளரும் ஆயிரம் வீடியோவும்!

 

டியர் என்தற்குப் பதிலாக டியர் செல்வகுமார் என்று துவங்கும் கடிதங்கள் எனக்குப்பிடிக்கிறது. உங்கள் பெயரைச் சொன்னால் உங்களுக்கும் பிடிக்கும். இது மனித உளவியல். அதனால்தான் வாடிக்கையாளர்களுக்கு அவர்களுடைய பெயர் போட்டு விளம்பரங்களையும், மின்னஞ்சல்களையும் அனுப்புகிறார்கள்.

வாட்ஸ்அப்பில் நண்பர்களுக்கு பிறந்தநாள் வாழ்த்து அனுப்பும்போது டியர் என்பதுடன் பெயர் சேர்த்து அனுப்பினால் இன்னும் நெருக்கமாக உணர்வோம்.

இதற்காகவே வந்திருக்கிறது இந்த ஏ.ஐ செயலி. கடிங்களுக்குப் பதிலாக வீடியோ உருவாக்கலாம் என்பதுதான் சிறப்பு. ஒரு முறை உங்கள் குரலை பதிவு செய்து கொள்ளும். பிறகு உங்கள் நண்பர்கள், வாடிக்கையாளர்கள் பெயர் உள்ள பட்டியலை வாங்கிக் கொள்ளும். அடுத்து ஒரே கிளிக்கில் உங்கள் குரலில் அனைவருக்கும் அவரவர் பெயர் சொல்லி வீடியோ அனுப்பிவிடும்.

திருமண அழைப்பிதழ் அனுப்புவோர் இதனை முயற்சிக்கலாம். ஒவ்வொரு உறவினருக்கும் அவரவர் பெயர் சொல்லி ஒரு (Personalized) வீடியோ அழைப்பிதழ் தயாரித்து அவர்களை அசத்தலாம்.

https://aiparabellum.com/hypercast-ai/

- ISR Selvakumar

தினம் ஒரு ஏ.ஐ - 12 : நீங்களே உங்களுடன் பேச (Ai Twin)

 நான் திரும்பத்திரும்ப மல்லிகைக்கிழமை, ப்ரியம் என்பது, முத்தகம் என்று ஒரு சிறிய வட்டத்துக்குள்தான் (கவிதைகள் என்று) எழுதிக் கொண்டிருப்பேன்.

திரைக்கதைகள் என எடுத்துக் கொண்டால் சயின்ஸ் பிக்சன், வரலாற்றுப் புனைவு, மிடில்கிளாஸ் குடும்பப் பிரச்சனை, காதல், இசை என இன்னொரு வட்டத்துக்குள் சுற்றுவேன்.

எதில் அதிக ஆர்வம் என்று கேட்டால் சினிமா, டிவி, இப்போது ஏ.ஐ என்கிறேன்.

இப்படி என்னைப் பற்றி நானே அவ்வப்போது குறித்து வைத்தால் இந்த சப்ஜெக்டுகளுக்குள் என்னை அலசிவிடலாம்.

இந்தத் தகவல்களை ஒரு டெக்ஸ் (.txt ) ஃபைலாகக் கொடுத்தால் அது தான் நீங்கள்! இரண்டு நிமிடத்துக்கு உங்கள் குரலை பதிவு செய்தால் அதுதான் உங்கள் குரல். ஓரிரு நிமிடங்களில் உங்களின் நகல் அதாவது இரட்டையர் (Twin) ரெடி.

உங்கள் இரட்டையருடன் நீங்கள் பேசிக் கொண்டே இருக்கலாம். அது நீங்கள் கொடுத்த ஃபைலுக்குள்ளிருக்கும் தகவல்களை தனது அறிவாக சேமித்துக் கொண்டு உங்களுக்கு பதில் தரும்.

தேர்வுக்குத் தயாராகும் மாணவர்கள், தங்கள் பாடங்களை இது போல டெக்ஸ்ட் ஃபைலாகத் தந்துவிடலாம். பிறகு அதனிடம் கேள்வி கேட்டால் பதில் சொல்லிக் கொண்டே இருக்கும். பாடமும் மனப்பாடமாகிவிடும்.

https://www.mindbank.ai/

தினம் ஒரு ஏ.ஐ - 11 : 3 செல்ஃபியிலிருந்து 30 பாஸ்போர்ட் சைஸ் போட்டோ

பத்திரிகைகளுக்கு எழுதும்போது ஒரு ஃபோட்டோ கொடுங்கள் என்பார்கள். பள்ளி கல்லூரிகளில் பயிற்சிகொடுக்கச் செல்லும்போதும் இதேதான். ஆனால் பிரசுரிக்கும் தரத்திற்கு என்னிடம் புகைப்படங்களே இல்லை. எத்தனை கிளறினாலும் 3 ஃபோட்டோக்கள்தான் தேறும். நாளைக்கே ஃபோட்டோ ஸ்டுடியோ போகணும் என்று அச்சமயங்களில் முடிவெடுத்து அடுத்த டீ குடித்தபின் மறப்பேன்.

என்னைப்போன்றவர்களுக்கு உதவுவதற்காகவே BetterPic என்றொரு ஏ.ஐ இருக்கிறது.

நம்முடைய 3 செல்ஃபி புகைப்படங்களை திணித்தால் போதும். என்ன உடை, பின்னணி எப்படி, மாநிறமா, பளபளப்பா எனக்கேட்டு புத்தம் புதிய புகைப்படங்களை உருவாக்கித் தந்துவிடும்.

அதாவது காமிரா இல்லாமலே ஃபோட்டோ ஷுட் நடத்திவிடலாம். உங்கள் அலுவலகத்தில் பணிபுரியும் அனைவருக்கும் ஃபோட்டோ எடுக்க வேண்டும் என்றால், அவர்களை ஆளுக்கு 3 செல்ஃபி அனுப்பச் சொன்னால் போதும். புகைப்படங்கள் தயாராகிவிடும்.

https://www.betterpic.io/studio-ai-headshots

தினம் ஒரு ஏ.ஐ - 9 : ஆசிரியர்களுக்கு உதவும் ஏ.ஐ

வகுப்பெடுப்பது சுலபம். ஆனால் மாதம், வாரம் ஒரு டெஸ்ட் வைத்து, திருத்தி, மாணவர்கள்-பெற்றோர்களுக்கு தெரியப்படுத்தி, மேனேஜ்மெண்டுக்கு ரிப்போர்ட் கொடுத்துவிட்டு, வழக்கம்போல சிலபஸ், அட்டனென்ஸ் என்று தொடர்வதுதான் அழுத்தமாக இருக்கிறது.

ஏ.ஐ வகுப்புகளில் நான் சந்தித்த பெரும்பாலான ஆசிரியர்கள் இதைத்தான் குறிப்பிட்டார்கள். அந்த ஆசிரியர்களுக்கு அவர்களின் வேலை பளுவை குறைக்க சில ஏ.ஐகளை பரிந்துரைத்தேன்.

அதில் பலருக்கும் பிடித்தது Teach Easy.

எல்.கே.ஜி முதல் கல்லூரி இறுதி ஆண்டு வரை ஆசிரியர்கள் இதனை பயன்படுத்திக் கொள்ளலாம். பத்தாம் வகுப்புக்கு, கம்ப்யூட்டர் சயின்ஸ் டெஸ்ட் எனச் சொன்னால் போதும் பட்டென்று கேள்வித்தாள் தயார். இதுதான் பிளஸ் டு ஆங்கிலப புத்தகம். பாடத்திட்டம் வேண்டும் என்றால், சிலபஸ் பிரித்து வகுப்பு நடத்த திட்டம் தந்துவிடும்.

ஆசிரியர்களுக்கு உதவ இதே போல் 30க்கும் மேற்பட்ட வசதிகள் உள்ளன. ஆசிரியர்கள் பயன்படுத்திப் பார்க்கலாம்.

https://teacheasy.ai/tools/lesson-plan-generator/

தினம் ஒரு ஏ.ஐ - 8 : மொழிபெயர்ப்புக்கான AI

अनुवाद के लिए एआई

വിവർത്തനത്തിനുള്ള AI

தமிழில் நீங்கள் எழுதிய காதல் கடிதத்தை, மலையாளம், பிரெஞ்சு, ஹிந்தி, ஸ்வாஹிலி என எந்த மொழிக்கும் உடனே மொழி பெயர்த்துவிட முடியும். இதற்காக எந்த மொழியையும் நாம் கற்க வேண்டியதில்லை. இதை செய்து தருவதற்கென்றே ஏகப்பட்ட மொழிபெயர்ப்பு ஏ.ஐ செயலிகள் உள்ளன.

கூகுள் டிரான்ஸ்லேட் (மிகப் பிரபலம்)

https://translate.google.co.in

மைக்ரோசாஃப்ட் பிங் டிரான்ஸ்லேட்டர் (கூகுள் அளவிற்கு பிரபலமல்ல)

https://www.bing.com/translator

லிங்கோஸிங்க் - வீடியோவின் லிங்க் தந்தால் போதும், நீங்கள் விரும்பும் மொழிக்கு வீடியோ மாறிவிடும்.

https://lingosync.ai/

டைப் பண்ணும்போதே (அ) வீடியோ ஓடிக் கொண்டிருக்கும்போதே (Real Time) மொழி பெயர்த்து தரும்.

https://iztalk.ai/

தினம் ஒரு ஏ.ஐ - 7 : பவர்பாயிண்ட் பிரசென்டேஷன்களை உருவாக்கலாம்

ஆ..ஊன்னா ஒரு பவர்பாயிண்டை தூக்கிக்கிட்டு வந்துடறாங்க. காபி, சமோசா கூட தாங்கல. தூக்கம் வருது சார், எங்கள விட்ருங்க என்று மனதுக்குள் கதறிக் கொண்டுதான் ஆபீஸ் மீட்டிங்கில் அமர்ந்திருப்பீர்கள்!

ஆனால் நீங்களே பிரசன்டேஷன் தரக்கூடிய நாளும் வந்திருக்கும். சுவாரசியமான பிரசண்டேஷன்களை தயாரிப்பது எவ்வளவு கடினம் என்று அப்போதுதான் உங்களுக்குப் புரிந்திருக்கும்.

உங்களுக்கு உதவுவதற்காகவே வந்திருக்கிறது ஏ.ஐ.

Elaborate Ai - முற்றிலும் இலவசம் (Beta stage)

https://tome.app/ - கொஞ்சம் இலவசம், அதற்குப் பின் பணம். மிகப் பிரபலம்

https://glimmerai.tech/ - இலவசம் - படமும் வரைந்து கொள்ளலாம்.

https://streamslide.io/ - யுடியூப் லிங்க் கொடுத்தால், அதனை ஸ்லைடுகளாக மாற்றிவிடுகிறது. ஆன்லைனில் படிக்கும் மாணவர்களுக்கு உதவும்.

தினம் ஒரு ஏ.ஐ - 6 ஆராய்ச்சி கட்டுரைகள் எழுதவும் பகிரவும்

ஆராய்ச்சி கட்டுரைகளுக்கு என்று சிறப்பு குணங்கள் உண்டு. தலைப்பு சுருக்கம் அறிமுகம் விரிவாக்கம் மேற்கோள் முடிவு தீர்வு என்று பல்வேறு அம்சங்கள் இடம் பெற்று இருக்கும்.

அவற்றில் அட்டவணைகள், படங்கள், ஆவணக் குறிப்புகள், குறிப்பிட்ட சில எழுத்து உருக்கள், அடிக்கோடு, நிறங்கள், அறிவியல் மற்றும் கணிதம் தொடர்பான சிறப்பு குறிகள் உள்ளிட்ட பல்வேறு அம்சங்கள் தேவைப்படும்.

இவற்றை எழுதும்போதே அதில் தானும் பங்கு கொண்டு உதவக்கூடிய ஆலோசகர் மற்றும் வழிகாட்டிகளுக்கான சிறப்பு வசதிகள் தேவைப்படும்.

இவை அனைத்தும் வழங்கக்கூடிய சிறப்பு ஏ ஐ செயலி ஒன்று உள்ளது அதன் பெயர் பேப்பர் பிரைன். இது முற்றிலும் இலவசம்.

ஆராய்ச்சி கட்டுரை எழுதுவோர் இதனை முயற்சி செய்து பார்க்கலாம்.

www.paperbrain.org

சிலாடஸ் - மற்றும் ஒரு செயலி

https://app.silatus.com/login (30 நாட்கள் இலவசம்)

குறிப்பிட்ட இணைய தளங்களை மட்டும் பயன்படுத்தி ஆராய்ச்சியில் ஈடுபடலாம்

உங்களுடைய தரவு(Data)களை மட்டும் பயன்படுத்தவும் வசதிகள் உண்டு.

பொது தரவு + சொந்த தரவுகளை இணைத்தும் ஆராயச்சியில் ஈடுபடலாம்.

- ISR Selvakumar

கான்சரை கண்டுபிடிக்கும் ஏ.ஐ

மார்பகப் புற்று நோய் வரக்கூடும் என்று ஐந்து வருடங்களுக்கு முன்பே நம்மை எச்சரிக்கும் திறன் ஏ.ஐ நுட்பத்துக்கு இருக்கிறது.

AsymMirai - என்று இந்த ஏ.ஐ அழைக்கப்படுகிறது. சுருக்கமாக Mirai.

இது எப்படி செயல்படுகிறது. எந்த அளவுக்கு துல்லியம் என்பது பற்றியெல்லாம் வாசித்துக் கொண்டிருக்கிறேன். தெளிவு கிடைத்தவுடன் மேலும் பகிர்கிறேன்.

பி.கு - Medscape உள்ளிட்ட பல்வேறு மருத்துவ இணைய தளங்களில் உறுதி செய்து கொண்டபின்னரே இந்த தகவலை உங்களுக்கு சொல்லியிருக்கிறேன்.

- ISR Selvakumar

தினம் ஒரு ஏ.ஐ - 5 தொழில் துவங்க ஆலோசனை தரும் ஏ.ஐ

நீங்கள் தயாரிக்கும் பொருள் உலகிலேயே சிறப்பானதாக இருக்கலாம்.

ஆனால் அதனை விற்பனை செய்ய அதன் தரம் மட்டுமே போதாது.

சில கடைகளில் கூட்டம் மொய்க்கும். அதே பொருளுடன், அதே விலையுடன் பக்கத்திலிருக்கும் கடையில் கூட்டமிருக்காது.

இதனை புரிந்து கொள்ள சந்தையை புரிந்து கொள்ள வேண்டும். விலையா? தரமா? எது வாடிக்கையாளரை ஈர்க்கிறது என்பதை உணர வேண்டும். ஒரு வியாபாரிக்கு பொருந்தும் சந்தை குணங்கள் வேறொருவருக்கு பொருந்தாது என்பதை அறிய வேண்டும். ஐந்து நட்சத்திர ஓட்டலில் உணவருந்தும் ஒருவர், டீ குடிக்க ஒரு சாதாரண சந்து முனை கடைக்கு வருவார். அது ஏன் என்பதை ஆராய வேண்டும். வியாபாரம் துவங்கும் முன் இப்படி பல காரணிகளையும், நுணுக்கங்களையும் அறிந்த பின்தான் தொழில் துவங்க வேண்டும்.

குறிப்பாக startup எனப்படும் புதுத்தொழில் தொடங்குபவர்கள் வெற்றி அடைய வேண்டுமென்றால் இவற்றை புரிந்து கொள்ள வேண்டும். ஒரு தொழிலைத் துவங்கும் முன் பல நூறு கேள்விகளுக்கு நம்மிடம் விடை இருக்க வேண்டும்.

https://stratup.ai/en என்ற இந்த AI தளம், நீங்கள் துவங்கப்போகும் தொழில் பற்றி உங்களை கேள்விகளால் துளைத்தெடுத்துவிடும். உங்கள் பதில்களைக் கொண்டு, உங்களுக்கு உங்கள் தொழில் தோல்வியா வெற்றியா என்று ஆலோசனை தரும். முதலீடும், நல்ல பொருளும் இருந்தால், அவை மட்டுமே தொழில் தொடங்க போதாது என்பதை நமக்குப் புரிய வைக்கும்.

பி.கு :

இது போல பல ஏ.ஐ தளங்களும், செயலிகளும் இருக்கின்றன. தினம் ஒரு செயலியை அறிமுகம் செய்வதன் மூலம் நீங்களே அதே போன்ற செயலிகளை தேடி அலசி, அரசி ஆராய்ந்து கொள்வீர்கள் என்று நம்பகிறேன்.

- ISR Selvakumar

தினம் ஒரு ஏ.ஐ - 4

உங்கள் அறிவை பணமாக்க ஒரு ஏ.ஐ

இ-புக், ஆன்லைன் கோர்ஸ், ஆன்லைன் ஒர்க் ஷாப், ஆன்லைன் ஆலோசனை, ஆன்லைன் படம் வரைதல், வீடியோ உருவாக்குதல் என்று எல்லாமே வரிசையாக ஆன்லைனில் வந்துவிட்டது. ஆனால் இதைச் செய்வதன் மூலம் வருமானம் ஈட்ட பலருக்கும் தெரியாது. அவர்களுக்கு உதவத்தான் இந்த குவாகுவா (Kwa Kwa) ஏ.ஐ.

அதாவது கிட்டத்தட்ட ஓரு வீடு புரோக்கர் போல இந்த ஏ.ஐ செயலி செயல்படுகிறது. புரோக்கர் வீடு தேவைப்படுவோரையும், வீடு விற்பவரையும் சந்திக்க வைக்கிறார். விற்பனை நடந்தால் அதில் ஒரு குறிப்பிட்ட சதம் கமிஷனாகப் பெற்றுக் கொள்கிறார்.

கிட்டத்தட்ட இதே பாணியில் உங்கள் இ-புக், ஆன் லைன் கோர்ஸ், ஆன் லைன் ஒர்க்ஷாப், ஆன்லைன் படம், ஆன்லைன் வீடியோ யாருக்குத் தேவைப்படும் என்று கண்டறிந்து அவர்களையும் உங்களையும் ஒன்றிணைக்கிறது. ஏதாவது விற்பனை நடந்தால் அதிலிருந்து ஒரு 10% கமிஷன் தொகையை கழித்துக் கொண்டு உங்களுக்கு வரவு வைக்கிறது.

முயற்சித்துப் பாருங்கள்!

https://kwakwa.com/

மைக்ரோசாஃப்ட் வழங்கும் இலவச படிப்பு

மைக்ரோசாஃப்ட், கூகுள், என்வீடியா போன்ற நிறுவனங்கள் பல முக்கிய படிப்புகளை இலவசமாகவே சொல்லித்தருகின்றன. விருப்பமுள்ளவர்கள் ஆன்லைன் வழியாகக் கற்றுக்கொண்டு, சான்றிதழும் பெறலாம். டேட்டா அனலிட்டிக்ஸ் தற்போது பிரபலமாகிவரும் படிப்பு. மைக்ரோசாஃப்ட் இதனை இலவசமாகக் கற்றுத் தருகிறது. பயன்படுத்திக்கொள்ளுங்கள்.
MICROSOFT IS OFFERING FREE COURSES ON DATA ANALYTICS.

1. Get started with Microsoft data analytics

https://learn.microsoft.com/en-us/training/paths/data-analytics-microsoft/?wt.mc_id=studentamb_403481&fbclid=IwY2xjawERmH9leHRuA2FlbQIxMAABHYVNvQG_KzTj48GY6arTxpc2LVWKm7SDwifO4N4evPYiqxnH5IW2jtpxsQ_aem_UP1QSrDoQxxtiVUs0yFjZA

2. Create and use analytics reports with Power BI

https://learn.microsoft.com/en-us/training/paths/create-use-analytics-reports-power-bi/?wt.mc_id=studentamb_403481&fbclid=IwY2xjawERmK9leHRuA2FlbQIxMAABHWnsKq4mjg8cr9PtHif1-kcIMTo-q7s51uef2wYAwPynt4mnt9ant_URiw_aem_-vVPlp2mce7ZazB0c9f-Uw

3. Delivelop dynamic reports with Microsoft Power BI

https://learn.microsoft.com/en-us/training/paths/develop-dynamic-reports-microsoft-power-bi/?wt.mc_id=studentamb_403481&fbclid=IwY2xjawERmOBleHRuA2FlbQIxMAABHY0IcMsVDTzoSN7dJ8EJc6Yzf6sHuMP9eiRVkXaWryk53FwwVCeQrdSEkw_aem_uPwsrVH4YHeLohtmp-rvAw

4.Design and build tabular models

https://learn.microsoft.com/en-us/training/paths/design-build-tabular-models/?wt.mc_id=studentamb_403481&fbclid=IwY2xjawERmQFleHRuA2FlbQIxMAABHRlJBSqXQe8f7Ay2WDlAZmDeSD_X6A2YSrCxbB2T0IYX4sqPmRi8BOk-JQ_aem_rl456PMCENf4R15VA525vQ

5. Model data with Power BI

https://learn.microsoft.com/en-us/training/paths/model-data-power-bi/?wt.mc_id=studentamb_403481&fbclid=IwY2xjawERmShleHRuA2FlbQIxMAABHca1GMW9cZJRuyRkq4lDGqBVlskYPa_tVzqw0fHsvMzeDOcpxpyUUa5kxA_aem_DCloPo9l8c7QGV-MJs_0sw

6. Manage workspaces and datasets in Power BI

https://learn.microsoft.com/en-us/training/paths/manage-workspaces-datasets-power-bi/?wt.mc_id=studentamb_403481&fbclid=IwY2xjawERmT9leHRuA2FlbQIxMAABHabnTO0sQRGWgkT6z_Be3QUcOrDy2mA1IG-M1uhR1NfrVOr2dG6zzoPagA_aem_9LXzYUESDFb8W5Tzjy9__A

7. Build Power BI visuals and report

https://learn.microsoft.com/en-us/training/paths/build-power-bi-visuals-reports/?wt.mc_id=studentamb_403481&fbclid=IwY2xjawERmVhleHRuA2FlbQIxMAABHRaSLsvyQadiPRD-DXJRNofT6nwIiNGyI0bcj808SNzW5bG07d8ZpX2j1Q_aem_Nl-s3vSwLB9BlVsMIovbQw

For full Data Analytist Career Path

https://learn.microsoft.com/en-us/plans/xe27izpkg328oy/?wt.mc_id=studentamb_403481&fbclid=IwY2xjawERmW1leHRuA2FlbQIxMAABHcw6mSt3ITSwN1MF6eC05QpUZcI-WlcovVCOHhQVjPHIv2vVaYC96kdbfQ_aem_rbS4SnVUAoJcAghnDzV1xA