கண்ணதாசன் எழுதிய இருவரி இராமாயணம்

 

இரண்டே வரியில் இராமாயணம்!

”காலங்களில் அவன் வசந்தம்” என்றொரு மேடை நிகழ்ச்சி! ஒவ்வொரு வருடமும் நடக்கிறது. கண்ணதாசனைக் கொண்டாடும் அந்த மேடையில் இசைக்கவி இரமணன் கண்ணதாசன் பாடல்களை பாடி சிலாகிப்பார். இன்றும் அந்நிகழ்ச்சியின் வீடியோ ஒன்றைப் பார்த்தேன். இரண்டே வரியில் கண்ணதாசன் இராமாயணத்தை எழுதியிருப்பதாகப் பாடிக் காட்டினார். வியந்து போனேன்!

கோடு போட்டு நிற்க சொன்னான்
சீதை நிற்க வில்லையே
சீதை அங்கு நின்றிருந்தால்
ராமன் கதை இல்லையே!

படம் - அவள் ஒரு தொடர்கதை
பாடல் - அடி என்னடி உலகம்
இசை - எம்.எஸ்.வி
இரு வரி இராமாயணம்
https://youtu.be/JMoH_zRU0r0?si=0qP1ei4PUGii8_JL

சின்னச் சின்ன சந்தங்களில் மிகப் பெரிய சங்கதிகளை மிக இலகுவாக இந்தப்பாடலில் சொல்லியிருக்கிறார் கண்ணதாசன். அவருக்கென்றே பிறந்தது போல எம்.எஸ்.வி இசையமைத்திருக்கிறார்.