ஒலிம்பிக் நேற்று
கொடி டிசைன்
தில்லு முல்லு படத்தில் உங்களுக்கு மீசை இருந்துச்சு என்பார் மாதவி. க்ளீன் ஷேவில் தில்லுமுல்லு பண்ணும் ரஜினி, டபக்கென்று மாதவியின் கையைப்பிடித்து வாட்சை மறைத்து இப்போ டைம் என்ன சொல்லுங்க என்பார். மாதவி திரு திருவென முழிப்பார். உடனே என்னங்க இது. உங்க கையி, உங்க வாட்சு, ஆனா உங்களுக்கு டைம் தெரியில, அப்படி இருக்கும்போது எனக்கு மீசை இருந்ததுன்னு எப்படி உங்களால சொல்ல முடியும் என்று சமாளிப்பார்.
அதே போல டபக்கென்று உங்க கன்னத்தை கிள்ளி, காதைத் திருகி ஒரு கேள்வி. ஒலிம்பிக் கொடியில் ஒன்றையொன்று தொட்டுக் கொண்டிருக்கும் ஐந்து வளையங்களில் என்னென்ன வண்ணங்கள் உள்ளன?
இடமிருந்து வலமாக நீலம், மஞ்சள், கருப்பு, பச்சை மற்றும் சிவப்பு. இவைதான் கொடியிலுள்ள ஐந்து வளையங்களின் நிறங்கள். இந்த ஐந்தில் ஏதாவது ஒரு நிறம், நிச்சயமாக ஒவ்வொரு நாட்டுக் கொடியிலும் இருக்குமாம். அதனால்தான் இந்த நிறங்கள் தேர்ந்தெடுத்தார் கொபர்டின்.
ஒலிம்பிக் இன்று
போட்டி துவங்கும் ஸ்டேடியம்
ஒலிம்பிக் சரித்திரத்தில் 3 முறை ஒலிம்பிக் நடத்த வாய்ப்பு பெற்ற ஒரே நகரம் லண்டன்தான். முதலில் 1908(வொயிட் சிட்டி ஸ்டேடியம்), அடுத்தது 1948(வெம்பிளி ஸ்டேடியம்) தற்போது 2012(ஒலிம்பிக் ஸ்டேடியம்). ஒரு வேளை அங்கு ஒலிம்பிக் நடக்கலாம் என யூகித்து, நான் வெம்பிளி ஸ்டேடியத்தின் அருகில் நின்று சில புகைப்படங்கள் எடுத்துக் கொண்டேன். தற்போது அந்த புகைப்படங்களை ஆசை ஆசையாக தேடிக் கொண்டிருக்கிறேன். ஆனால் காணவில்லை. ம்ம்ம்... அப்போதெல்லாம் ஃபேஸ்புக் இல்லாமல் போய்விட்டது. இருந்திருந்தால் அதிலிருந்து பத்திரமாக மீட்டெடுப்பேன்.
ஒலிம்பிக் நாளை
2016 ரியோ (பிரேசில்)
ஆனால் இதே சூட்டோடு 2020 ஒலிம்பிக் நடத்துவதற்கான போட்டியும் துவங்கிவிட்டது. களத்தில் தோஹா, டோக்யோ மற்றும் மாட்ரிட் உள்ளன.
ரியோவில் யாராவது ஃபேஸ்புக் நண்பர்கள் இருக்கிறீர்களா? உங்களுடன் தங்கி, அந்த ஃபுட்பால் தேசத்தைப் பார்க்க ஆவல்.
No comments:
Post a Comment