Tuesday, August 19, 2008

காந்தியும், புத்தரும், விஜயகாந்தும் ஒன்றாம் . . .


கூட்டணி இல்லாமல் தனித்து நின்று தனித்து நின்று ஜெயிக்க முடியும் என்று நம்புகிறீர்களா?
காந்தியும் தனி மனிதர் தான், புத்தரும் தனி மனிதர்தான் அதே போல நானும் தனி மனிதன்தான்.

சமீபத்தில் அளித்த ஒரு பேட்டியில் விஜயகாந்த்தின் சுயதம்பட்டம் இது.

விஜயகாந்த் கூட்டணியோ அல்லது மாற்றணியோ, எதையோ ஒன்றை வைக்கட்டும். அதற்க்காக காந்தியையும், புத்தரையும் தன்னைப் போன்ற முதலமைச்சர் ஆக ஆசைப்படும் சாதாரண அரசியல்வாதியாக தரமிறக்க வேண்டாம்.

காந்தியும், புத்தரும் தங்களைத் தாங்களே வென்றவர்கள். தங்களைப் போன்றே மற்றவர்களும் நடக்க உதாரணமாகத் திகழ்ந்த தத்துவ ஆசான்கள். விஜயகாந்த்தைப் போன்று கருப்பு எம்.ஜி.ஆர், வெளுப்பு எம்.ஜி.ஆர் என்று தங்களுக்குத் தாங்களே பட்டம் சூட்டிக் கொண்டு மக்களை முட்டாளாக்கியவர்கள் அல்ல.

விஜயகாந்த்துக்கு மனதளவில் தான் காந்திக்கும், புத்தருக்கும் துளியும் ஈடு இல்லை என்று தெரிந்திருக்கும். இருந்தாலும் உதட்டளவில் கூட அவர் அந்த மாதிரி பேச வேண்டாம் என்பதற்க்காகத்தான் இந்த கண்டன வரிகள்.
Post a Comment